રેસ્ટોરા જેવું આલુ મટરનું શાક ઘરે કેવી રીતે બનાવવું તેની રેસિપી ગુજરાતી જાગરણ અહીં તમને જણાવશે. નાના બાળકોને આ ટેસ્ટ બહુ ભાવશે.
3 મધ્યમ બટાકા (આલુ), નાના ટુકડામાં કાપેલા, 1 કપ તાજા કે ફ્રોઝન મટર, 2 ટમેટા, ઝીણા સમારેલા, 1 ડુંગળી, ઝીણી સમારેલી, 1 ચમચી આદુ-લસણની પેસ્ટ, 2 લીલા મરચાં, ઝીણા સમારેલા, 1 ચમચી જીરું, 1/2 ચમચી હળદર, 1 ચમચી ધાણાજીરું પાવડર, 1 ચમચી લાલ મરચું પાવડર, 1/2 ચમચી ગરમ મસાલો, 2 ચમચી તેલ, મીઠું સ્વાદ મુજબ, ધાણાભાજી (ગાર્નિશ માટે), 1 કપ પાણી,
બટાકાને છોલીને નાના ટુકડામાં કાપો. મટર તૈયાર રાખો (ફ્રોઝન હોય તો ડિફ્રોસ્ટ કરો).
કડાઈમાં 2 ચમચી તેલ ગરમ કરો, તેમાં જીરું નાખી તતડાવો.
ઝીણી સમારેલી ડુંગળી નાખી, ગોલ્ડન બ્રાઉન થાય ત્યાં સુધી સાતળો(2-3 મિનિટ).
આદુ-લસણની પેસ્ટ, લીલાં મરચાં, હળદર, ધાણાજીરું પાવડર, લાલ મરચું પાવડર નાખી 1 મિનિટ સાતળો.
ઝીણા સમારેલા ટમેટા નાખો, નરમ થાય અને તેલ છૂટું પડે ત્યાં સુધી રાંધો (3-4 મિનિટ).
સમારેલા બટાકા અને મટર નાખો, મીઠું અને 1 કપ પાણી ઉમેરો. ઢાંકીને 10-12 મિનિટ ધીમા તાપે બટેટસ નરમ થાય ત્યાં સુધી રાંધો.
ગરમ મસાલો નાખી, બરાબર મિક્સ કરો. ધાણાભાજીથી ગાર્નિશ કરી, રોટી કે ચોખા સાથે પીરસો. તમે કૂકરમાં પણ આ આલુ-મટરનું શાક બનાવી શકો છો.