Charlie Kirk Wife Erica: ડોનાલ્ડ ટ્રમ્પના ખાસ વ્યક્તિ ચાર્લી કિર્કની હત્યા બાદ તેમની પત્ની એરિકા કિર્ક પ્રથમ વખત જાહેરમાં સામે આવી હતી. તેણે ભારપૂર્વક જણાવ્યું કે તે ચાર્લી કિર્કની વિરાસતને ક્યારેય સમાપ્ત થવા દેશે નહીં. જ્યાંથી ચાર્લી કિર્ક પોડકાસ્ટ કરતા હતા ત્યાંથી એરિકાથી સંબોધન કર્યું હતું.
ચાર્લી કિર્ક વિશે બોલતા ભાવુક થઈ પત્ની એરિકા
એરિકાએ 2021 માં ચાર્લી કિર્ક સાથે લગ્ન કર્યા હતા. તેમને ત્રણ વર્ષની એક પુત્રી અને એક વર્ષનો એક પુત્ર છે. એરિકાએ તેમના પતિની ઓફિસમાંથી સંબોધન કરતાં અમેરિકા, પ્રકૃતિ અને શિકાગો પ્રત્યે પોતાનો ગાઢ પ્રેમ વ્યક્ત કર્યો. તેમણે ભાવુક થઈને કહ્યું કે ચાર્લી તેમના બાળકોને ખૂબ પ્રેમ કરતા હતા અને તેમને પૂરા દિલથી ચાહતા હતા.
એરિકાએ કહ્યું કે તમે કલ્પના પણ નહીં કરી શકો કે તમે આ પત્નીની અંદર કેવી આગ લગાડી છે. આ વિધવાની ચીસો દુનિયાભરમાં યુદ્ધના પોકાર જેવી ગુંજશે.
JUST IN - ERIKA KIRK: "Mr. President. My husband loved you. And he knew that you loved him too. He did."
— Eric Daugherty (@EricLDaugh) September 13, 2025
😭😭 pic.twitter.com/wGYfeLwngb
એરિકાએ ડોનાલ્ડ ટ્રમ્પને શું કહ્યું
આ સાથે એરિકાએ અમેરિકી રાષ્ટ્રપતિ ડોનાલ્ડ ટ્રમ્પનો પણ આભાર માન્યો. તેમણે કહ્યું કે તેમના પતિ ચાર્લી કિર્ક રાષ્ટ્રપતિને ખૂબ પ્રેમ કરતા હતા. તેણે ટ્રમ્પને કહ્યું કે તમે તેમને ખૂબ સમર્થન આપ્યું છે. જેવું તેમણે તમારા માટે કર્યું હતું.
પોતાના સંબોધન દરમિયાન એરિકાએ કાયદા અમલીકરણ અધિકારીઓનો આભાર માન્યો, જેમણે તેમના પતિના હત્યારાઓને પકડવામાં મદદ કરી હતી. તેણે ચાર્લી કિર્કની હત્યા કરનાર કાર્યકર્તાને એક કડક સંદેશ પણ આપ્યો, જોકે તેમણે આરોપી ટાયલર રોબિન્સનનું નામ લીધું ન હતું.
ઉલ્લેખનીય છે કે એક આઉટડોર કેમ્પસ કાર્યક્રમ દરમિયાન મંચ પરથી બોલતી વખતે છત પરથી ચલાવવામાં આવેલી ગોળી વાગવાથી ચાર્લી કિર્કનું મૃત્યુ થયું હતું.