Chaniya Choli Designs For Navratri 2025: નવરાત્રિને હવે ગણતરીના દિવસો બાકી રહ્યા છે. બજારોમાં નવરાત્રિની ખરીદી ચાલુ થઈ ગઈ છે. આ સમય દરમિયાન મહિલાઓ વિવિધ પરંપરાગત પોશાકોમાં જોવા મળશે, જો તમે નવરાત્રિ પર ચણિયા ચોળી ખરીદવાનું વિચારી રહ્યા છો અને કયા પ્રકારના રંગો અને ડિઝાઇન પસંદ કરવા તે સમજાતું નથી, તો અમે તમારા માટે એવી કેટલીક લેટેસ્ટ ડિઝાઈનો લઈને આવ્યા છીએ, જે હાલ ટ્રેન્ડમાં છે.
મલ્ટીકલર ચણિયા ચોળી
જો આ વખતે તમે નવરાત્રિમાં કંઈક હટકે પહેરવા માંગો છો તો મલ્ટીકલર ચણિયા ચોળી એક શ્રેષ્ઠ વિકલ્પ છે. આમાં અનેક રંગોનો ઉપયોગ થાય છે જે આ ફેસ્ટિવલને વધુ ખાસ બનાવે છે. મલ્ટીકલર ચણિયા ચોળી દરેક લુક પર સારી લાગે છે. જો આ વખતે તમે નવરાત્રિ પર આ ડિઝાઈનવાળી ચણિયા ચોળી પહેરી શકો છો.
મિરર વર્ક ચણિયા ચોળી
નવરાત્રી દરમિયાન મિરર વર્ક ચણિયા ચોળી સૌથી વધુ પસંદ કરવામાં આવે છે. તે પરંપરાગત હોવા છતાં ખૂબ જ ટ્રેન્ડી લાગે છે. મિરર વર્કની ખાસિયત એ છે કે તે તમને કોઈપણ પ્રકાશમાં ચમકદાર બનાવે છે, જે ગરબા નાઈટ માટે યોગ્ય છે. તમે તેને બહુ રંગીન ચોલી અને સોલિડ કલરના લહેંગા સાથે જોડી શકો છો. મિરર વર્ક તમારા દેખાવને શાનદાર લુક આપે છે.
બનારસી સિલ્ક ચણિયા ચોળી
જો તમે આ નવરાત્રિ પર કંઈક શાહી અને ભવ્ય પહેરવાનું વિચારી રહ્યા છો તો બનારસી સિલ્કથી બનેલી ચણિયા ચોલી એક શ્રેષ્ઠ વિકલ્પ હોઈ શકે છે. આ ચણિયા ચોલી તમને પરંપરાગત દેખાવ સાથે રાજવીપણાનો અહેસાસ પણ કરાવશે. બનારસી ફેબ્રિકમાં જોવા મળતી ચમકતી ડિઝાઇન અને અદભુત ઝરી વર્ક તમારા દેખાવને શાહી બનાવશે.
ફ્લોરલ પ્રિન્ટ ચણિયા ચોળી
જો નવરાત્રિ પર હળવી અને આરામદાયક ચણિયા ચોળી પહેરવા માંગો છો તો આ પ્રકારની ફ્લોરલ પ્રિન્ટવાળી ડિઝાઈન તમે પસંદ કરી શકો છો. આ ચણિયા ચોળી તમને ફ્રેશ અને તાજગીભર્યો લુક આપે છે અને ગરબા રમતી વખતે પણ કમ્ફર્ટ ફિલ આપે છે.
ઘેરદાર ચણિયા ચોળી
જો તમને ઘેરદાર ચણિયા ચોળી પહેરવાનો શોખ હોય તો આ ઘેરદાર ડિઝાઈન તમારા માટે છે. ગરબા રમતી વખતે આ ઘેરદાર ચણિયા ચોળી કંઈક અલગ જ લાગે છે. આમાં તમે ચમકદાર રંગો અને ભારે વર્કવાળી ચણિયા ચોળી પસંદ કરી શકો છો.