Mehsana | Gujarat Rain Data: ઉત્તર ગુજરાત અને તેની સાથે સંકળાયેલા દક્ષિણ-પશ્ચિમ રાજસ્થાન પર બનેલુ ડિપ્રેશન પશ્ચિમ દિશામાં આગળ વધીને ડીપ ડીપ્રેશનમાં ફેરવાઈ ગયું છે. જેના પગલે ઉત્તર ગુજરાતમાં મેઘરાજાનો રૌદ્ર સ્વરૂપ જોવા મળી રહ્યું છે. ખાસ કરીને બનાસકાંઠા જિલ્લામાં બારે મેઘ ખાંગા થયા હોય, તેવી સ્થિતિ સર્જાઈ છે. આવતીકાલે પણ ભારે વરસાદની શક્યતાને જોતા મહેસાણા અને બનાસકાંઠા જિલ્લા વહીવટી તંત્ર દ્વારા આવતીકાલે તમામ સ્કૂલો અને કૉલેજો બંધ રાખવાનો નિર્ણય લેવામાં આવ્યો છે.
મહેસાણા-બનાસકાંઠા જિલ્લામાં સોમવારે સ્કૂલો-કૉલેજો બંધ રહેશે
મહેસાણા અને બનાસકાંઠા જિલ્લામાં ભારે વરસાદની આગાહીના પગલે તકેદારીના ભાગરૂપે આવતીકાલે 8 સપ્ટેમ્બર સોમવારના રોજ તમામ આંગણવાડી કેન્દ્રો, શાળા, કૉલેજો બંધ રાખવાનો નિર્ણય લેવામાં આવ્યો છે.
મહેસાણા જિલ્લામાં ભારે વરસાદની આગાહીના અનુસંધાને તકેદારીના ભાગરૂપે આંગણવાડી કેન્દ્રો, શાળાઓ, કોલેજો તથા શૈક્ષણિક પ્રવૃતિઓ આવતીકાલે તા.8 સપ્ટેમ્બર, 2025ના રોજ બંધ રાખવાનો નિર્ણય જિલ્લા વહીવટી તંત્ર, મહેસાણા દ્વારા લેવામાં આવેલ છે, જે વિદિત થવા વિનંતી છે.@CMOGuj @revenuegujarat…
— Collector Mehsana (@CollectorMeh) September 7, 2025
જ્યારે પાટણ જિલ્લામાં આગામી દિવસો પણ ભારે વરસાદની શક્યતાને જોતા વહીવટી તંત્ર એલર્ટ થઈ ગયું છે. જિલ્લા કલેક્ટર દ્વારા નીચાણવાળા વિસ્તારો તેમજ નદી કિનારાની નજીક ના જવા માટે લોકોને વિનંતી કરવામાં આવી છે. આ સાથે જ પાટણ જિલ્લામાં ઈમરજન્સીની સ્થિતિમાં સંપર્ક કરી શકાય તે માટે 11 જેટલા કંટ્રોલરૂમ કાર્યરત કરીને તેના નંબર જારી કરવામાં આવ્યા છે.
છેલ્લા 2 કલાકમાં રાજ્યના 44 તાલુકામાં વરસાદ
આજે રાતે 8 થી 10 વાગ્યા સુધીમાં ગુજરાતના 44 તાલુકામાં નોંધપાત્ર વરસાદ વરસ્યો છે. જે પૈકી સૌથી વધુ 3.54 ઈંચ વરસાદ કચ્છ જિલ્લાના રાપર તાલુકામાં નોંધાયો છે. આ સિવાય થરાદમાં 39 મિ.મી (1.5 ઈંચ) વરસાદ વરસ્યો છે.
જ્યારે આજે આખા દિવસ દરમિયાન રાજ્યના 221 તાલુકામાં નોંધપાત્ર વરસાદ વરસ્યો છે જે પૈકી બનાસકાંઠા જિલ્લાના સૂઈગામમાં સૌથી વધુ 13.58 ઈંચ વરસાદ નોંધાયો છે.
ઉત્તર ગુજરાતના પાંચેય જિલ્લાના તમામ તાલુકામાં ક્યા કેટલો વરસાદ પડ્યો?
| બનાસકાંઠા જિલ્લાના તાલુકા | નોંધાયેલો વરસાદ |
| સુઇગામ | 323 મિ.મી (12.72 ઇંચ) |
| વાવ | 144 મિ.મી (5.67 ઇંચ) |
| ભાભર | 142 મિ.મી (5.59 ઇંચ) |
| થરાદ | 116 મિ.મી (4.57 ઇંચ) |
| દીયોદર | 89 મિ.મી (3.5 ઇંચ) |
| દાંતા | 66 મિ.મી (2.6 ઇંચ) |
| અમીરગઢ | 37 મિ.મી (1.46 ઇંચ) |
| વડગામ | 29 મિ.મી (1.14 ઇંચ) |
| લખાણી | 24 મિ.મી (0.94 ઇંચ) |
| પાલનપુર | 20 મિ.મી (0.79 ઇંચ) |
| ધાનેરા | 20 મિ.મી (0.79 ઇંચ) |
| કાંકરેજ | 14 મિ.મી (0.55 ઇંચ) |
| ડીસા | 13 મિ.મી (0.51 ઇંચ) |
| દાંતીવાડા | 6 મિ.મી (0.24 ઇંચ) |
| મહેસાણા જિલ્લાના તાલુકા | નોંધાયેલો વરસાદ |
| વિજાપુર | 46 મિ.મી (1.81 ઇંચ) |
| મહેસાણા | 40 મિ.મી (1.57 ઇંચ) |
| બેચરાજી | 34 મિ.મી (1.34 ઇંચ) |
| કડી | 33 મિ.મી (1.3 ઇંચ) |
| વિસનગર | 32 મિ.મી (1.26 ઇંચ) |
| ખેરાલુ | 30 મિ.મી (1.18 ઇંચ) |
| જોટાણા | 30 મિ.મી (1.18 ઇંચ) |
| સાતલાસણા | 26 મિ.મી (1.02 ઇંચ) |
| વડનગર | 20 મિ.મી (0.79 ઇંચ) |
| ઊંઝા | 13 મિ.મી (0.51 ઇંચ) |
| પાટણ જિલ્લાના તાલુકા | વરસાદના આંકડા |
| સાંતલપુર | 95 મિ.મી (3.74 ઈંચ) |
| રાધનપુર | 85 મિ.મી (3.35 ઈંચ) |
| હારીજ | 34 મિ.મી (1.34 ઈંચ) |
| સિદ્ધપુર | 23 મિ.મી (0.91 ઈંચ) |
| સમી | 21 મિ.મી (0.83 ઈંચ) |
| શંખેશ્વર | 21 મિ.મી (0.83 ઈંચ) |
| પાટણ | 12 મિ.મી (0.47 ઈંચ) |
| સરસ્વતી | 10 મિ.મી (0.39 ઈંચ) |
| ચાણસ્મા | 4 મિ.મી (0.16 ઈંચ) |
| અરવલ્લી જિલ્લાના તાલુકા | નોંધાયેલો વરસાદ |
| ભિલોડા | 67 મિ.મી (2.64 ઈંચ) |
| ધનસુરા | 38 મિ.મી (1.5 ઈંચ) |
| બાયડ | 38 મિ.મી (1.5 ઈંચ) |
| મોડાસા | 27 મિ.મી (1.06 ઈંચ) |
| મેઘરજ | 20 મિ.મી (0.79 ઈંચ) |
| માલપુર | 5 મિ.મી (0.2 ઈંચ) |
| સાબરકાંઠાના તાલુકા | નોંધાયેલો વરસાદ |
| ઈડર | 64 મિ.મી (2.52 ઈંચ) |
| પ્રાંતિજ | 63 મિ.મી (2.48 ઈંચ) |
| વિજયનગર | 57 મિ.મી (2.24 ઈંચ) |
| હિંમતનગર | 55 મિ.મી (2.17 ઈંચ) |
| વડાલી | 53 મિ.મી (2.09 ઈંચ) |
| ખેડબ્રહ્મા | 47 મિ.મી (1.85 ઈંચ) |
| પોશીના | 29 મિ.મી (1.14 ઈંચ) |